తమిళనాడు అసెంబ్లీ ఎన్నికలు 2026 సందర్భంగా రాష్ట్రవ్యాప్తంగా పోలింగ్ ప్రశాంతంగా సాగుతోంది. సామాన్యులతో పాటు సినీ ప్రముఖులు కూడా ఉదయాన్నే పోలింగ్ కేంద్రాలకు చేరుకుని తమ ఓటు హక్కును వినియోగించుకుంటున్నారు. ఈ క్రమంలో కోలీవుడ్ స్టార్ కపుల్ సూర్య, జ్యోతిక చెన్నైలోని తమ నివాసానికి సమీపంలో ఉన్న పోలింగ్ బూత్లో ఓటు వేశారు. సూర్య, జ్యోతిక తమ బిజీ షెడ్యూల్స్ ఉన్నప్పటికీ ఓటు వేయడానికి ప్రాధాన్యతనిచ్చి అందరికీ ఆదర్శంగా నిలిచారు. ఓటు వేసిన అనంతరం వేలికి ఉన్న సిరా చుక్కను చూపిస్తూ వారు మీడియాకు ఫోజులిచ్చారు. ప్రతి ఒక్కరూ తమ ఓటు హక్కును వినియోగించుకోవాలని, మంచి నాయకత్వాన్ని ఎన్నుకోవాలని ఈ సందర్భంగా వారు పిలుపునిచ్చారు.
Also Read :Shivathmika: నెపోటిజంపై శివాత్మిక రాజశేఖర్ బోల్డ్ కామెంట్స్..
2026 తమిళనాడు ఎన్నికలు ఎంతో ఉత్కంఠను రేపుతున్నాయి. అధికార, ప్రతిపక్ష పార్టీలతో పాటు, స్టార్ హీరో విజయ్ నేతృత్వంలోని తమిళగ వెట్రి కళగం (TVK) తొలిసారిగా ఎన్నికల బరిలో నిలవడంతో ఈసారి ఫలితాలు ఎలా ఉంటాయనేది ఆసక్తికరంగా మారింది. సూర్య-జ్యోతిక వీడియోతో పాటు అజిత్, విజయ్, రజనీకాంత్ వంటి అగ్ర తారలు కూడా తమ ఓటు వేస్తున్న విజువల్స్ నెట్టింట హల్చల్ చేస్తున్నాయి.
