CM Chandrababu Aerial Survey: ఆంధ్రప్రదేశ్‌లో తీవ్ర వర్షాభావ పరిస్థితులతో రైతులు ఇబ్బందులు ఎదురుకుంటున్న నేపథ్యంలో రాష్ట్రాన్ని ఆదుకోవాలని కేంద్ర ప్రభుత్వానికి ముఖ్యమంత్రి చంద్రబాబు విజ్ఞప్తి చేశారు. కరువు ప్రభావిత ప్రాంతాల్లో పంట నష్టాలను పరిశీలించిన కేంద్ర బృందం సీఎంతో భేటీ అయింది. ఈ సందర్భంగా రాష్ట్రంలో నెలకొన్న కరువు పరిస్థితులు, రైతులు ఎదుర్కొంటున్న ఇబ్బందులను కేంద్ర బృందానికి సీఎం వివరించారు.
వీబీ జీ రామ్ జీ పథకం కింద పనిదినాలను 200 రోజులకు పెంచాలని,అర్హులైన కరువు బాధితులకు రేషన్ కార్డులు జారీ చేసే అంశాన్ని పరిశీలించాలని విజ్ఞప్తి చేశారు. జల్ జీవన్ మిషన్ విస్తరణతో పాటు పంటల బీమా పరిహారాన్ని త్వరగా రైతుల ఖాతాల్లో జమ చేసేలా చర్యలు తీసుకోవాలని కోరారు. రాష్ట్రంలో 21 జిల్లాల్లో 388 మండలాలను కరువు ప్రభావిత ప్రాంతాలుగా ప్రకటించినట్లు వెల్లడించారు. క్షేత్రస్థాయిలో పర్యటించిన కేంద్ర బృందం, 15 రోజుల్లో కేంద్రానికి నివేదిక సమర్పించనున్నట్లు తెలిపింది.
మురసు తుఫాన్ ప్రభావిత ప్రాంతాల్లో సీఎం చంద్రబాబు ఏరియల్ వ్యూ నిర్వహించారు. గుంటూరు, ప్రకాశం, బాపట్ల జిల్లాల్లోని తుఫాన్ ప్రభావిత ప్రాంతాలను పరిశీలించారు. చిలకలూరిపేట, ఒంగోలు, కొత్తపట్నం, చినగంజాం, చీరాల, బాపట్ల ప్రాంతాల్లోని తుఫాన్ నష్టాన్ని సీఎం పరిశీలించారు. వివిధ ప్రాంతాల్లో నీట మునిగిన పంటలు.. గ్రామాలను చుట్టి ముట్టిన నీరు, దిగ్భంధమైన రోడ్లను ఏరియల్ వ్యూ ద్వారా సీఎం పరిశీలించారు.
