Omar Abdullah: జమ్మూ కశ్మీర్ ముఖ్యమంత్రి ఒమర్ అబ్దుల్లా రెండో వివాహం చేసుకున్నారు. ప్రముఖ జర్నలిస్టు నిధి రజ్దాన్‌ను పెళ్లి చేసుకున్నట్లు శనివారం సోషల్ మీడియా వేదికగా ప్రకటించారు. పెళ్లి జరిగిన మరుసటి రోజే నిధి రజ్దాన్‌తో కలిసి దిగిన ఫోటోలను ఇన్‌స్టాగ్రామ్‌లో షేర్ చేశారు. తమ జీవితంలో కొత్త అధ్యాయం మొదలైందని అన్నారు. ఇన్‌స్టాగ్రామ్‌లో నిధి రజ్దాన్‌ను ట్యాగ్ చేస్తూ ఒమర్ అబ్దుల్లా ఓ ఫొటోను పోస్టు చేశారు. “నిన్న ఒక కొత్త ప్రయాణం ప్రారంభమైంది” అంటూ క్యాప్షన్ ఇచ్చారు.
విడాకులు తీసుకున్న 3 నెలలకే పెళ్లి..
ఒమర్ అబ్దుల్లాకు అంతకు ముందు పాయల్ అబ్దుల్లాతో వివాహమైంది. వీరిద్దరికి మూడు నెలల క్రితమే సుప్రీంకోర్టు విడాకులు మంజూరు చేసింది. 2026 జూలై 31న ఒమర్ అబ్దుల్లా, పాయల్ అబ్దుల్లా పరస్పర అంగీకారంతో తమ వివాహ బంధాన్ని ముగించుకోవాలని నిర్ణయించుకున్నారు. ఇద్దరి మధ్య ఉన్న విభేదాలను పరిష్కరించుకోవడంతో పాటు, ఒకరిపై ఒకరు దాఖలు చేసిన కేసుల్ని విత్ డ్రా చేసుకునేందుకు అంగీకరించారు. వీరిద్దరి వివాహాన్ని రద్దు చేసేందుకు సుప్రీంకోర్టు అంగీకరించింది.
1994లో ఒమర్, పాయల్ వివాహం..
ఒమర్ అబ్దుల్లా, పాయల్ అబ్దుల్లాలు 1994లో వివాహం చేసుకున్నారు. ఢిల్లీలోని ఒబెరాయ్ హోటల్‌లో పనిచేస్తున్న సమయంలో ఇద్దరికి పరిచయం ఏర్పడింది. వీరికి జాహిర్, జమీర్ అనే ఇద్దరు కుమారులు ఉన్నారు. 2009 నుంచి ఇద్దరు వేర్వేరుగా జీవిస్తున్నారు. 2011లో తాము విడిపోయిన విషయాన్ని ఒమర్ అబ్దుల్లా ప్రకటించారు. సుప్రీంకోర్టు కూడా వీరిద్దరు చాలా కాలంగా విడివిడిగా ఉంటున్న విషయాన్ని గుర్తించింది. ఇప్పుడు జర్నలిస్ట్ నిధి రజ్దాన్‌తో వివాహం జరిగినట్లు ఒమర్ అబ్దుల్లా ప్రకటించారు. ఈ వార్త రాజకీయ, మీడియా వర్గాల్లో చర్చనీయాంశంగా మారింది.
A new journey began yesterday
@Nidhi https://t.co/BXbdLq2d1H
— Omar Abdullah (@OmarAbdullah) October 31, 2026
