CJP: కాక్రోచ్ జనతా పార్టీ (CJP) నాయకులు సౌరవ్ దాస్, అశుతోష్ రాంకాలను బిగ్ రిలీఫ్ లభించింది. బుధవారం ఢిల్లీలోని స్పెషల్ ఎగ్జిక్యూటివ్ మేజిస్ట్రేట్ విడుదల చేయాలని ఆదేశించింది. అక్టోబర్ 13న ఆంక్షలు ఉన్నప్పటికీ జంతర్ మంతర్ వద్దకు వెళ్లడంతో పోలీసులు వీరిని అదుపులోకి తీసుకున్నారు. అక్టోబర్ 10న సీజేపీ చీఫ్ అభిజిత్ దీప్కే తో పాటు వీరిద్దరిని అదుపులోకి విమానంలో అదుపులోకి తీసుకున్నారు. ఆ సమయంలో ‘‘పీస్ బాండ్’’పై సంతకాలు చేసి శాంతభద్రతలకు విఘాతం కలిగించమని హామీ ఇచ్చారు. అయితే, అక్టోబర్ 13న వీటిని ఉల్లంఘించి జంతన్ మంతర్ వద్దకు వెళ్లారు. ఆ సమయంలో పోలీసులు అదుపులోకి తీసుకున్నారు. ఆ తర్వాత కోర్టు 7 రోజులు పాటు జ్యుడీషియల్ కస్టడీ విధించింది.
మరోవైపు, తమ నాయకుల్ని ఉద్దేశపూర్వకంగా బెయిల్ ఇవ్వకుండా చేస్తున్నారని ఆరోపిస్తూ సీజేపీ ఢిల్లీ హైకోర్టును ఆశ్రయించారు. దీనిపై హైకోర్టు బుధవారం విచారించింది. బాండ్ ఉల్లంఘించడాన్ని హైకోర్టు ముఖ్యంగా ప్రస్తావించింది. జంతర్ మంతర్ వద్ద ఆంక్షలు ఉన్నప్పటికీ ఎందుకు వెళ్లారని ప్రశ్నించింది. ఇదే సమయలో నిరసన తెలపడానికి మరో మూడు ప్రదేశాలు ఉన్నప్పటికీ వాటిని ఎందుకు వినియోగించుకోలేదని ప్రశ్నించింది. విద్యార్థుల నిరసనలుగా ప్రారంభమై హింసకు దారి తీసిన ప్రపంచ సంఘటనలను కూడా హైకోర్టు ప్రస్తావించింది. రాంకా, దాస్‌లు జెన్-జీ కాదని కోర్టు వ్యాఖ్యానించింది.
