Aus vs Ban Test: డార్విన్ వేదికగా ఆస్ట్రేలియా, బంగ్లాదేశ్ మధ్య జరుగుతున్న తొలి టెస్టులో ఆసక్తికర పరిణామాలు చోటుచేసుకుంటున్నాయి. మూడో రోజు ఆట ముగిసే సమయానికి బంగ్లాదేశ్ జట్టు మ్యాచ్పై పట్టు బిగించింది. తొలి ఇన్నింగ్స్లో బంగ్లాదేశ్ 426 పరుగులు చేయగా, ఆస్ట్రేలియా కేవలం 198 పరుగులకే ఆలౌటైంది. దీంతో బంగ్లాదేశ్కు తొలి ఇన్నింగ్స్లో ఏకంగా 228 పరుగుల భారీ ఆధిక్యం లభించింది.
ఆస్ట్రేలియా తొలి ఇన్నింగ్స్లో స్టీవ్ స్మిత్ 71 పరుగులతో టాప్ స్కోరర్గా కాగా.. ట్రావిస్ హెడ్ 22, జేక్ వెదరాల్డ్ 23, అలెక్స్ క్యారీ 19 పరుగులు చేశారు. బంగ్లాదేశ్ బౌలర్లలో హసన్ మహ్ముద్ 6 వికెట్లు, టాస్కిన్ అహ్మద్, ఎబాడత్ హొస్సేన్ చెరో రెండు వికెట్లు తీశారు. ఇక బంగ్లాదేశ్ తొలి ఇన్నింగ్స్లో 426 పరుగులు చేసింది. ఓపెనర్ తంజిద్ హసన్ 101 పరుగులతో అదరగొట్టాడు చేశాడు. కెప్టెన్ నజ్ముల్ హొస్సేన్ శాంటో 84 పరుగులు, మోమినుల్ హక్ 49, మెహిదీ హసన్ మిరాజ్ 65 పరుగులు చేశారు. ఈ దెబ్బతో బంగ్లాదేశ్కు 228 పరుగుల భారీ ఆధిక్యం దక్కింది.
రెండో ఇన్నింగ్స్లోనూ ఆస్ట్రేలియాకు ఆరంభంలోనే ఎదురుదెబ్బలు తగిలాయి. జేక్ వెదరాల్డ్ డకౌట్ కాగా, ట్రావిస్ హెడ్ 17 పరుగులకే వెనుదిరిగాడు. మర్నస్ లబుషేన్ 31 పరుగులు చేశాడు. స్టీవ్ స్మిత్ 44 పరుగులు చేసి నాలుగో వికెట్గా ఔటయ్యాడు. అయితే కామెరాన్ గ్రీన్ 43 పరుగులతో, అలెక్స్ క్యారీ 19 పరుగులతో నాటౌట్గా క్రీజులో ఉన్నారు. మూడో రోజు ఆట ముగిసే సమయానికి ఆస్ట్రేలియా 53 ఓవర్లలో 161/4తో ఉంది.
ప్రస్తుతం ఆస్ట్రేలియా బంగ్లాదేశ్ తొలి ఇన్నింగ్స్ స్కోరుకు ఇంకా 67 పరుగులు వెనుకబడి ఉంది. ఆస్ట్రేలియా ఇంకా ఆరు వికెట్లను చేతిలో ఉంచుకుంది. కాబట్టి మ్యాచ్ పూర్తిగా బంగ్లాదేశ్ చేతుల్లోకి వెళ్లిందని చెప్పలేము. ఆస్ట్రేలియా ముందుగా 67 పరుగుల లోటును అధిగమించి, బంగ్లాదేశ్పై ఆధిక్యం సాధించాలి. ఆ తర్వాత బంగ్లాదేశ్ రెండో ఇన్నింగ్స్లో త్వరగా వికెట్లు పడగొట్టగలిగితేనే ఆస్ట్రేలియాను ఓడించే అవకాశం మరింత బలపడుతుంది.
