Kiren Rijiju: ‘‘రెజిమ్ ఛేంజ్(ప్రభుత్వ మార్పు)’’కోసం పిలుపునిస్తున్న వారికి కేంద్ర మంత్రి కిరెన్ రిజిజు ఘాటు సమాధానం ఇచ్చారు. ఎక్స్ వేదికగా.. ‘‘ప్రభుత్వ మార్పు కోసం పిలుపునిచ్చేవారు వచ్చేశారు. జాగ్రత్తగా వినండి..భారత్ బంగ్లాదేశ్ కాదు’’ అని పోస్ట్ చేశారు. భారతదేశ యువత దేశాన్ని నిర్మిస్తుందే తప్ప నాశనం చేయదని వ్యాఖ్యానించారు. నేహా బోరా, ప్రశాంత్ భూషణ్, కాంగ్రెస్ నేత పవన్ ఖేరా ప్రభుత్వ మార్పుపై వ్యాఖ్యలు చేసిన తరుణంలో రిజిజు తీవ్రంగా స్పందించారు.
భారతదేశ యువత మూర్ఖులు కాదని, వారు దేశ నిర్మాణంలో భాగస్వాములు అవుతున్నారని, పతకాలు సాధించడం, స్కిల్స్ పెంపొందించుకోవడం, ఆవిష్కరణలు, స్టార్టప్స్, సాంకేతిక రంగాల్లో ముందుకు సాగడం ద్వారా యువత దేశానికి సేవ చేస్తోందని కేంద్రమంత్రి వ్యాఖ్యానించారు.
అంతకుముందు, ఆల్ ఇండియా స్టూడెంట్స్ అసోసియేషన్ (AISA) అధ్యక్షురాలు నేహా బోరా మాట్లాడుతూ.. బంగ్లాదేశ్‌లో జరిగిన విద్యార్థుల ఉద్యమం తమకు స్పూర్తినిచ్చిందని అనడం వివాదంగా మారింది. సీనియర్ న్యాయవాది ప్రశాంత్ భూషన్ కూడా ‘‘పాలన మార్పు’’ కోసం తాము పోరాడుతున్నామని చెప్పారు. కాంగ్రెస్ నేత పవన్ ఖేరా మాట్లాడుతూ.. ప్రస్తుత ప్రభుత్వాన్ని ఎన్నికల్లో ఓడించి పాలన మార్చడమే కాంగ్రెస్ లక్ష్యమని అన్నారు.
बड़े आए "Regime Change" करने वाले !!
कान खोलकर सुन लो, भारत बांग्लादेश नहीं है!Indian youth are not fools, they will build India, not destroy India.
All genuine Indian youth are winning medals, steering in skilling, innovation, startups, technology & becoming cultural icons! https://t.co/cf9YFjIpZj— Kiren Rijiju (@KirenRijiju) October 17, 2026
