ప్రపంచ సుంకాలను అమెరికా సుప్రీంకోర్టు రద్దు చేయడంపై అధ్యక్షుడు ట్రంప్ తీవ్ర ఆగ్రహం వ్యక్తం చేశారు. విలేకర్లతో మాట్లాడుతూ న్యాయమూర్తులపై విరుచుకుపడ్డారు. ‘‘రాడికల్-లెఫ్ట్ డెమొక్రాట్లు మూర్ఖులు.. లాప్డాగ్లు’’ అంటూ ధ్వజమెత్తారు. న్యాయస్థానంలోని కొంత మంది సభ్యుల తీరు పట్ల సిగ్గుపడుతున్నట్లు పేర్కొన్నారు. 6-3 తేడాతో సుప్రీంకోర్టు ఇచ్చిన తీర్పు తర్వాత చాలా నిరాశ చెందినట్లుగా చెప్పారు. మన దేశానికి సరైంది చేయడానికి న్యాయమూర్తులకు ధైర్యం లేదన్నారు. డెమొక్రాట్లు నియమించిన న్యాయమూర్తలు అవమానకరం అని అభివర్ణించారు.
ఈ తీర్పుతో సంవత్సరాలుగా మనల్ని మోసం చేస్తున్న విదేశీ దేశాలన్ని సంబరాల్లో మునిగిపోయాయన్నారు. ప్రస్తుతం వాళ్లంతా సంతోషంగా ఉంటారని తెలిపారు. ఇప్పుడు వాళ్లు వీధుల్లో నృత్యం చేస్తూ ఉంటారు.. కానీ వారు ఎంతో కాలం నృత్యం చేయలేరులే అన్నారు. తన పరిపాలన ప్రత్యామ్నాయ చర్యలతో ముందుకొస్తుందని హెచ్చరించారు. దేశభక్తి లేని వారు రాజ్యాంగం పట్ల విశ్వాసపాత్రులు కాదన్నారు. 2024లో మిలియన్ల ఓట్లతో గెలిచానని.. కానీ తన అజెండాకు మద్దతు ఇచ్చేందుకు న్యాయమూర్తులు భయపడుతున్నారని పేర్కొన్నారు.
ఇక తీర్పును విభేదించిన న్యాయమూర్తులు క్లారెన్స్ థామస్, శామ్యూల్ అలిటో, బ్రెట్ కవనాగ్లను ట్రంప్ ప్రశంసించారు. టారిఫ్లు కొట్టేసిన ప్రధాన న్యాయమూర్తి జాన్ రాబర్ట్స్, న్యాయమూర్తులు అమీ కోనీ బారెట్, నీల్ గోర్సుచ్లను తీవ్రంగా విమర్శించారు. వారంతా ‘‘రాడికల్-లెఫ్ట్ డెమొక్రాట్లకు మూర్ఖులు, లాప్డాగ్లు.’’ అని దుమ్మె్త్తిపోశారు.
అయినా అలా తీర్పు వచ్చిందో లేదో తగ్గేదేలేదంటూ ట్రంప్ తన దూకుడును చూపించారు. అన్ని దేశాలపై 10 శాతం సుంకం విధిస్తున్నట్లు ప్రకటించారు. ఓవల్ కార్యాలయం నుంచి కొత్త కార్యనిర్వాహక ఉత్తర్వుపై ట్రంప్ సంతకం చేసి సోషల్ మీడియాలో వెల్లడించారు. కొత్త ఉత్తర్వు ప్రకారం అన్ని దేశాల నుంచి దిగుమతులపై 10 శాతం సుంకం విధించినట్లు పేర్కొన్నారు. అన్ని దేశాలపై 10 శాతం సుంకం విధించడంపై తాను గర్వపడుతున్నట్లు చెప్పారు. ఇది వెంటనే అమల్లోకి వస్తుందని రాసుకొచ్చారు.
US President Donald Trump posts, "Those members of the Supreme Court who voted against our very acceptable and proper method of TARIFFS should be ashamed of themselves. Their decision was ridiculous but, now the adjustment process begins, and we will do everything possible to… pic.twitter.com/P543UGa67u
— ANI (@ANI) February 21, 2026
