Daniel Vettori: ఎస్ఆర్హెచ్ యాజమాన్యంపై తీవ్ర స్థాయిలో విమర్శలు వస్తున్నాయి. ‘ది హండ్రెడ్’ (The Hundred) వేలంలో పాకిస్థాన్ మిస్టరీ స్పిన్నర్ అబ్రార్ అహ్మద్ను కొనుగోలు చేయడంపై వివాదం ముదురుతోంది. ఐపీఎల్ ఫ్రాంచైజీ సన్రైజర్స్ హైదరాబాద్ అనుబంధ జట్టు అయిన సన్రైజర్స్ లీడ్స్ కొనుగోలు సుమారు రూ. 2.34 కోట్లకు పాక్ ప్లేయర్ను సొంతం చేసుకుంది. తాజాగా ఎస్ఆర్హెచ్ అఫీసియల్ ఎక్స్ ఖాతా సైతం సస్పెండ్ అయ్యింది. ఈ సస్పెండ్కు గల కారణాలు ఇప్పటి వరకు తెలియదు. అయితే.. ఈ వివాదంపై తాజాగా సన్రైజర్స్ లీడ్స్ హెడ్ కోచ్ డేనియల్ వెట్టోరీ స్పందించారు. ఇంగ్లాండ్లో ప్రత్యర్థులను ఎదుర్కోవాలంటే అబ్రార్ అహ్మద్ మాకు అవసరమని తెలిపారు. అబ్రార్ అహ్మద్ వేరియేషన్స్ చూసి తాము మంత్రముగ్ధులమయ్యామని, అందుకే అతనికి తాము అత్యంత ప్రాధాన్యత ఇచ్చినట్లు స్పష్టం చేశారు.
“అబ్రార్ లాంటి బౌలర్ చాలా అరుదు. అతడి బౌలింగ్లో ఉన్న వైవిధ్యం చాలా అరుదైనది. ముఖ్యంగా ఇంగ్లాండ్లోని దేశీ ఆటగాళ్లు ఈ బౌలర్ను ఎదుర్కొని రన్స్ సాధించడం కష్టం. అంతర్జాతీయ స్థాయిలో ఎంతోమంది బెస్ట్ స్పిన్నర్లు ఉన్నారు. కానీ.. ప్రస్తుత పరిస్థితుల దృష్ట్యా మా ఫస్ట్ ఛాయిస్ మాత్రం అహ్మద్. పాకిస్థాన్ ఆటగాళ్ల ఎంపికపై జరుగుతున్న చర్చలు, రాజకీయ ఉద్రిక్తతల గురించి నాకు తెలుసు. వాస్తవానికి.. ప్లేయర్స్ ఎంపికపై యాజమాన్యం నుంచి ఎలాంటి ఆంక్షలు లేవు. వేలం బరిలో ఉన్నా అందరినీ మేము సమానంగానే ట్రీట్ చేశాం. జట్టు అవసరాలను దృష్టిలో ఉంచుకుని అబ్రార్ను తీసుకున్నాం.” అని డేనియల్ వెట్టోరీ స్పష్టం చేశారు. ఏది ఏమైనప్పటికీ.. సోషల్ మీడియాలో మాత్రం ఎస్ఆర్హెచ్పై ట్రోల్స్ విపరీతంగా వస్తున్నాయి.
READ MORE: Hyderabad Gas Shortage: గ్యాస్ కొరత.. హైదరాబాద్లో కట్టెలకు అమాంతం పెరిగిన డిమాండ్..
